რუსეთი საუკუნეების მანძილზე სიღარიბეშია. ამიტომ მას სძულს თანამედროვე ცივილიზაცია და სურს შექმნას ევროპაში სიცივის, შიმშილისა და ბარბაროსობის ზონა, - ამის შესახებ უკრაინის პრეზიდენტის ადმინისტრაციის ხელმძღვანელის მრჩეველი, მიხაილო პოდოლიაკი „ტვიტერზე“ წერს.
ის რუსეთის მიერ უკრაინის ინფრასტრუქტურულ ობიექტებზე განხორციელებულ თავდასხმებს ეხმაურება და ხაზს უსვამს საჰაერო თავდაცვის აუცილებლობას.
“რუსეთი სისტემატურად ცდილობს გაანადგუროს ინფრასტრუქტურული ობიექტები უკრაინაში, ქალაქებსა და მშვიდობიან მოსახლეობაზე თავდასხმით. გადაწყვეტილება? საჰაერო/სარაკეტო თავდაცვა”, - წერს პოდოლიაკი.