გაერო-ს გენერალურმა ასამბლეამ მიიღო რეზოლუცია უკრაინის ტერიტორიული მთლიანობის შესახებ, რომლის დაბლოკვას რუსეთი ცდილობდა, - ინფორმაციას უკრაინული მედია უმაღლესი რადას ადამიანის უფლებათა კომისარზე, დმიტრი ლუბინეცზე დაყრდნობით ავრცელებს.
მცდელობას გმობს, 143-მა ქვეყანამ დაუჭირა მხარი. მის წინააღმდეგ ხმა, რუსეთთან ერთად, მხოლოდ ოთხმა ქვეყანამ მისცა : სირიამ, ნიკარაგუამ, ჩრდილოეთ კორეამ და ბელარუსმა. კენჭისყრაში მონაწილეობისგან თავი 35-მა ქვეყანამ, მათ შორის ჩინეთმა, შეიკავა.
უკრაინის პრეზიდენტმა ვოლოდიმირ ზელენსკიმ გაეროს მადლობა ტვიტერზე გადაუხადა.
"მადლობას ვუხდი 143 სახელმწიფოს, რომელმაც მხარი დაუჭირა გაერო-ს გენერალური ასამბლეის ისტორიულ რეზოლუციას „უკრაინის ტერიტორიული მთლიანობა: გაეროს წესდების პრინციპების დაცვა“, - წერს ვოლოდიმირ ზელენსკი.
მისი თქმით, თავისუფალი ქვეყნები არასდროს აღიარებენ რუსეთის ფედერაციის მხრიდან უკრაინის ტერიტორიის ანექსიის მცდელობას.