ჩემპიონთა ლიგის 2022/23 წლების სეზონი დაიწყო, პირველი დიდი დაპირისპირება პარიზში შედგა, სადაც ტურნირის ერთ-ერთი მთავარი ფავორიტი პარი სენ-ჟერმენი ტურინის იუვენტუსს დაუხვდა. პარიზელებმა მიზანს მალევე მიაღწიეს, კილიან მბაპემ ჯერ ნეიმარის პასით გაიტანა, შემდეგ - ჰაკიმის. მეორე ტაიმი სტუმრების იყო - მაკენიმ ერთი ბურთი დონარუმას შეცდომის წყალობით გაქვითა, თუმცა იტალიურმა გრანდმა მეტი ვერ შეძლო და პსჟ-მ სეზონი სამი ქულით დაიწყო.
ერლინგ ჰაალანდის ტრიუმფი ვიხილეთ "სანჩეს პისხუანზე", სადაც მანჩესტერ სიტიმ 4:0 გაანადგურა სევილია, ნორვეგიელმა კი დუბლი შეასრულა.
მოიგო "სამეფო კლუბმაც", რომელმაც შოტლანდიაში სელტიკი 3:0 დაამარცხა, მაგრამ ტრავმის გამო ქარიმ ბენზემა პირველივე ტაიმში გამოაკლდა.
გერმანიაში სენსაცია შემოგვთავაზა დონეცკის შატხარმა, უკრაინულმა კლუბმა ლაიპციგს 4:1 მოუგო.