სურსათის ეროვნული სააგენტოს ინსპექტირების ჯგუფებმა, მთელი საქართველოს მასშტაბით, მიმდინარე წლის მე-3 კვარტალში, მონიტორინგის ფარგლებში, აიღეს და ლაბორატორიულად გამოიკვლიეს სურსათისა და სასმელი წყლის 650-მდე ნიმუში/სინჯი - ამის შესახებ ინფორმაციას თავად უწყება ავრცელებს.
სეს-ის ცნობით, კრიტიკული შეუსაბამობა 78 ბიზნეს ოპერატორს დაუდგინდა. 650 აღებული ნიმუშიდან, 78 ობიექტში კრიტიკული შეუსაბამობა დადგინდა. მათგან, ყველაზე მეტი პურის საცხობი, თონე, საშაურმე და სურსათის მაღაზიაა. ასევე, ჩამონათვალშია რესტორნები, კაფე-ბარები, ცხოველთა სასაკლაოები, ხორცის სარეალიზაციო მაღაზიები, საცხობები, სასტუმროს სამზარეულოები, მზა კერძების წარმოება და სხვა ობიექტები.
კრიტიკულ შეუსაბამობებში კი, ძირითადად წერია, რომ - დარღვეულია სანიტარიულ-ჰიგიენური ნორმები; არ ტარდება სათანადო დეზინფექცია-დეზინსექცია-დერატიზაცია; დარღვეულია სურსათის შენახვის ტემპერატურული რეჟიმი, ან არ ტარდება სათანადო რეცხვა-დეზინფექცია. ასევე დარღვევებს შორისაა კონდენსანტის წარმოქმნა, არ ტარდება სათანადო დეზინფექცია-დეზინსექცია-დერატიზაცია.
ინფორმაციისთვის, კრიტიკული შესაბამისობის შემთხვევაში სანქცია 1 000 ლარიანი ჯარიმა და შეუსაბამობის გამოსწორებამდე საწარმოო პროცესის შეჩერებაა.