ამერიკულმა რესტორანთა ქსელმა Burger King-მა ახალი სარეკლამო კამპანია წამოიწყო, რომლის ფარგლებშიც ბეჭდურ მედიასა და ინტერნეტ-სივრცეში გავრცელებულ რეკლამებში დაობებული ბურგერებია წარმოდგენილი.
CNN-ის ინფორმაციით, კამპანიის მიზანს საზოგადოებისთვის ახალი მესიჯის მიწოდება წარმოადგენს - ამიერიდან Burger King-ი ხელოვნური დანამატების გამოყენებას წყვეტს, რის გამოც საკვები დიდხანს აღარ ინახება და ძველდება. შესაბამისად, დაძველებულ საკვებს Burger King-ის რესტორნებში აღარ იყენებენ.
მედიის ინფორმაციით, დანამატები უკვე ამოიღეს შტატებში არსებული 400-მდე რესტორნიდან. მომავალში კი მსგავსი ცვლილება რესტორნების ქსელის თითოეულ ფილიალშია დაგეგმილი.
Burger King-ს რესტორნების ქსელი მსოფლიოს 91 ქვეყანაში ფუნქციონირებს, მხოლოდ შეერთებულ შტატებში კი მათ 7 ათას 346 ფილიალი აქვთ.