გერმანიის საზღვაო კურორტზე ქვიშის ფესტივალი უკვე მე-10 წელია იმართება. წელს კუნძულ რუგენზე მსოფლიოში ყველაზე მაღალი ქვიშის კოშკი ააგეს. მიმდნარე წლის 6 ივნისს რეკორდი ოფიციალურად დაადასტურეს გინესის წიგნის წარმომადგენლებმა. ქვიშის კოშკის სიმაღლე 17 მეტრი და 66 სანტიმეტრია, რაც მანამდე არსებულ რეკორდს 98 სანტიმეტრით აღემატება. ძველი რეკორდიც ასევე გერმანიის ქალაქ დუისბურგში 2017 წელს დაამყარეს. მაშინ კოშკის აგებაზე 11 ტონა ქვიშა დაიხარჯა.