შინაგან საქმეთა სამინისტროს ინფორმაციით, ტყიბულში, მინდელის სახელობის შახტში 4 მეშახტე დაიღუპა. უწყების ცნობით გამოძიება სისხლის სამართლის კოდექსის 240-ე მუხლის მეორე ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
არსებული ინფორმაციით, არიან დაშავებულები, რომლებიც ამ დროისთვის საავადმყოფოში გადაჰყავთ. მომხდარის სხვა დეტალები ამ დროისთვის უცნობია.