ჩვენ ვცდილობთ, სირიაში ალეპოში, ძალიან დიდ განსაცდელში მყოფ ბავშვებს გაერო-ს ოფისის მეშვეობით, ჰუმანიტარული დახმარება რამენაირად მივაწვდინოთ, - ამის შესახებ საქართველოს პრემიერ-მინისტრმა გიორგი კვირიკაშვილმა მახათას მთაზე განაცხადა, სადაც ის ივერთა ყოვლადწმინდა ღვთისმშობლის ხატის სახელობის ტაძარში პარაკლისს დაესწრო.
როგორც გიორგი კვირიკაშვილმა აღნიშნა, წმინდა ბარბარე არის ბავშვების მფარველი და პრემიერ-მინისტრმა უპირველს ყოვლისა, საქართველოში ყველა ბავშვს უსურვა, რომ სითბოში გაზრდილიყვნენ და ჰქონდეთ ბედნიერი ბავშვობა.