ვარკეთილში, მე-3 მიკრორაიონში, სუხიშვილის ქუჩაზე "ლიბერთი ბანკის" ფილიალი დააყაჩაღეს. ინციდენტის შედეგად, ორი ადამიანი დაშავდა. დაშავებულები "ამტელ ჰოსპიტალში" არიან გადაყვანილი, მათ ჯანმრთელობის მდგომარეობასთან დაკავშირებით კლინიკაში ჯერ-ჯერობით არ საუბრობენ. შსს-ს ცნობით, დამნაშავეები ჯერ არ დაუკავებიათ.
მომხდარზე გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს.
თავდასხმის ფაქტს "ლიბერთი ბანკშიც" ადასტურებენ. წაღებულია თუ არა თანხა, ბანკის ადმინისტრაცია ამ ეტაპზე არ აკონკრეტებს.