სოფელ სკრაში, ჭაში სასმელი წყალი გაცხელდა - ადგილობრივები სპეციალისტებს დახმარებას და ფაქტის შესწავლას სთხოვენ გორის რაიონში უცნაური მოვლენა დაფიქსირდა - სოფელ სკრაში, ერთ-ერთი ოჯახის კუთვნილ ჭაში სასმელი წყალი გაცხელდა. როგორც „ინტერპრესნიუსს“ მახარაშვილების ოჯახში განუცხადეს, სასმელი წყლის ტემპერატურის მატება პირველად 3 დღის წინ შენიშნეს, ამ დროისთვის კი ის 38 გრადუსს აღწევს. ოჯახის უფროსის, კახა მახარაშვილის განცხადებით, ჭა თითქმის 100 წელს ითვლის და ყოველთვის განსაკუთრებულად ცივი წყლით გამოირჩეოდა, აღნიშნული მოვლენის გამო კი, სასმელი წყლის მოტანა სოფლის საუბნო ონკანიდან უწევთ.