უკრაინაში საქართველოს საგანგებო და სრულუფლებიანი ელჩი მიხეილ უკლება, საქართველოს კონსული ნანა ჩაბრავა, გია ცერცვაძე, მისი მეუღლე და ადვოკატი უკრაინის სახალხო დამცველს ვალერია ლუტკოვსკას შეხვდნენ. შეხვედრისას უკრაინის სახალხო დამცველმა გია ცერცვაძეს გათავისუფლება მიულოცა და განაცხადა, რომ აღნიშნულ საქმეზე მონიტორინგს ახორციელებდა. როგორც ვალერია ლუტკოვსკამ აღნიშნა, ამ საკითხთან დაკავშირებით კომუნიკაცია ჰქონდა ქართველ კოლეგა უჩა ნანუაშვილთან.მისივე თქმით, უკრაინის სახალხო დამცველის აპარატი კვლავაც განაგრძობს მონიტორინგს ქართველი სამხედროს საქმეზე.