20:48
29 ივნისი, 2022, ოთხშაბათი
იტვირთება შემდეგი ვიდეო
ჩვენი პლანეტა
უძველეს ინდურ კულტურაში სიამაყისა და პატივმოყვარეობის, უკვდავებისა და უზრუნველი ცხოვრების სიმბოლოდ ქცეული ფარშევანგი, თანამედროვე სამყაროშიც უძლიერეს თილისმად ითვლება
04-06-2022

ფარშევანგი - უძველეს ინდურ კულტურაში სიამაყისა და პატივმოყვარეობის, უკვდავებისა და უზრუნველი ცხოვრების სიმბოლოდ ქცეული ფარშევანგი, თანამედროვე სამყაროშიც უძლიერეს თილისმად ითვლება, რადგან ამბობენ, თითქოს, ფრინველის ულამაზესი კუდის ბუმბულს სიმდიდრისა და კეთილდღეობის, იღბლისა და წარმატების მოზიდვა შეუძლია.

სხვათა შორის, უმსხვილეს ფრინველად მიჩნეულ ფარშევანგს, ჯერ კიდევ რომის იმპერიაში აშენებდნენ, თუმცა ქათმისნაირთა რიგის წარმომადგენელ, ეგზოტიკურ საოცრებად წოდებული ფარშევანგს გასტრონომიული დანიშნულება უფრო ჰქონდა, ვიდრე ესთეტიკური, რადგან სხვადასხვა სუნელით შენელებული მისი ხორცი უძვირფასეს და უგემრიელეს დელიკატესად ითვლებოდა.

აზიის ქვეყნებში, მეტწილად ინდოეთისა და პაკისტანის, შრი-ლანკის, ბანგლადეშისა და ნეპალის ველურ ბუნებაში გავრცელებული ფარშევანგი მაქსიმალურად გაურბის გაშლილ სივრცეს და მეტწილად ტყესა და ჯუნგლებში, დასახლებულ პუნქტებთან და კულტივირებულ მიწის ნაკვეთებთან ახლოს სახლდება ხშირ ბუჩქნარსა და მდინარის ნაპირზე. 

მდედრზე გაბარიტული მამრის წონა საშუალოდ 4-4,5 კილოგრამს შეადგენს, ტანის სიგრძე კი, 100-125 სანტიმეტრს აღწევს. ფრინველს, რომელიც მჭახე, ნაკლებად სასიამოვნო ხმით და სხვადასხვა ფერში აჭრელებული შებუმბვლით გამოირჩევა, გრძელი კისერი და პატარა თავის აქვს მცირე ქოჩრით.

მართალია, სხვა ფრინველისგან ფარშევანგს ულამაზესი შებუმბვლა და მარაოსებრი კუდი გამოარჩევს, რომელიც მის სავიზიტო ბარათად ითვლება, მაგრამ მსგავსი სილამაზით მხოლოდ მამრს შეუძლია თავის მოწონება, მდედრს კი, ნაკლებად გაუმართლა, რადგან მისი ბუმბული მეტწილად მონაცრისფრო-მურა ფერისაა. აღსანიშნავია, რომ ფრინველი მეტად ორიგინალურადაა შებუმბლული, რადგან მოკლე ყოველთვის გრძელ ბუმბულს ფარავს, რომლის სიგრძე 1,5 მეტრს აღწევს და აუცილებლად ე.წ. „თვალით“ ბოლოვდება.

სხვათა შორის, ფარშევანგი ის იშვიათი ფრინველია, რომლის ოჯახი არა სახეობების, არამედ ფერების მიხედვით იყოფა და პრაქტიკულად ყველა ფერის ფრინველს აერთიანებს თეთრის,  შავის, მეწამულის, მოწითალო-მწვანის და ვერცხლისფრის ჩათვლით.

AutoPlay
ოქროს ლომისებრი ტამარინი - საოცარი ცხოველი ბრჭყალებიანი მაიმუნების ოჯახიდან, რომლის პოპულაცია მხოლოდ 3 500 ინდივიდს შეადგენს, მეტად სავალალო მდგომარეობაში და პრაქტიკულად გადაშენების ზღვარზეა
25-06-2022
ჩვენი პლანეტა - გაიცანით ოპოსუმი, მინიატიურული ჩანთოსანი ცხოველი, რომელიც მეცნიერების მტკიცებით ჯერ კიდევ 100 მილიონი წლის წინ, მეზოზოურ ხანაში მოევლინა სამყაროს
18-06-2022
ზღვის ზღარბი, რომელიც სულ მცირე 500 მილიონი წლის წინ მოევლინა სამყაროს, დღემდე თავსატეხად რჩება მეცნიერებისთვის, რადგან ის უჩვეულო ბიოლოგიური თავისებურებებითა და ექსტრემალური ცხოვრების წესით ხასიათდება
11-06-2022
ამფიპრიონი, რომელმაც კაშკაშა კონტრასტული შეფერილობის წყალობით მიიღო მასხარა თევზის სახელი, აღიარება ამერიკულ ანიმაციურ ფილმში „ნემოს ძიებაში“ შესრულებული მთავარი როლით მოიპოვა
28-05-2022
მითის თანახმად, ფრინველი ალკუნი, ეოლუსის ქალიშვილის წყალობით გაჩნდა, სწორედ მისი სილამაზით მოხიბლა ზევსი, თუმცა ზედმეტად ქედმაღალი ქალის უარის შემდეგ, მისი ეგზოტიკურ ფრინველად ქცევა გადაწყვიტა
21-05-2022
რქაცხვირასებრთა ოჯახის წარმომადგენლები მეტწილად აფრიკის და სამხრეთ-აღმოსავლეთ აზიის, ინდოეთისა და წყნარი ოკეანის კუნძულების ტროპიკულ ტყეებში ბინადრობენ, თუმცა 10-მდე სახეობა მხოლოდ აფრიკის ენდემად ითვლება
14-05-2022
გააკეთე კომენტარი
FB კომენტარი
სხვა სიახლეები