20:39
20 ნოემბერი, 2019, ოთხშაბათი
იტვირთება შემდეგი ვიდეო
მკურნალი
უძილობის მიზეზი გენეტიკოებმა აღმოაჩინეს - მასშტაბურ კვლევაში 1,3 მილიონზე მეტი ადამიანის მონაცემები გააანალიზეს
21-03-2019

ამსტერდამის თავისუფალ უნივერსიტეტში უძილობის მასშტაბური კვლევა ჩაატარეს. მეცნიერებმა გააანალიზეს 1,3 მილიონზე მეტი ადამიანის გენეტიკური მონაცემები, შეძლეს უძილობასთან დაკავშირებული გენების, ტვინის ცალკეული ტიპის უჯრედებისა და ტვინის ზონების გამოყოფა.

ყურადღების ცენტრში აღმოჩნდა 202 გენეტიკური ლოკუსი (ქრომოსომის ციტოლოგიურ ან გენეტიკურ რუკაზე გენების განთავსების ადგილი) და 956 გენი. კვლევის დროს ზოგიერთ გენი აქსონების მუშაობაში საკვანძო როლს ასრულებდა. ეს ნერვული უჯრედების წანაზარდებია, რომლის საშუალებითაც ნერვული იმპულსები ნეირონის სხეულიდან მაინერვირებელ ორგანოებთან და სხვა ნერვულ უჯრედებთან მიდის.

მეცნიერებმა ასევე დაადგინეს, რომ აღნიშნული გენების გარკვეული რაოდენობა აქტივობას ავლენს თავის ტვინის ქერქულ და ქერქვეშა სტრუქტურებში. გენეტიკურ დონეზე უძილობა უფრო მეტად იყო დაკავშირებული დეპრესიასთან და შფოთთან, ვიდრე ქრონოტიპთან.გარდა ამისა, უძილობაში ამოქმედებულ უჯრედებს შორის იყო ჰიპოთალამუსის, კლაუსტრუმისა და ზოლიანი სხეულის ნეირონები. სწორედ ისინი შეიძლება გახდნენ ახალი წამლების სამიზნე.

გააკეთე კომენტარი
FB კომენტარი
სხვა სიახლეები