21:06
26 ოქტომბერი, 2021, სამშაბათი
იტვირთება შემდეგი ვიდეო
ეკონომიკა
ცვლილებები, რომლებიც 1 სექტემბრიდან ამოქმედდა
01-09-2021

საქართველოს მთავრობის დადგენილებით 1-ლი სექტემბრიდან ძალაში შევიდა რამდენიმე ცვლილება.
მათ შორის:
• ამოქმედდა იპოთეკური სესხების სუბსიდირების ახალი პროგრამა, რომელიც მრავალშვილიანი ან ახალშეძენილი შვილების მქონე ოჯახებს შეეხებათ. სესხის ოდენობა 200 000 ლარი იქნება და სახელმწიფო თანადაფინანსებას 5 წლის განმავლობაში განახორციელებს. ამასთან, ახალშეძენილი შვილის მქონე ოჯახებისთვის თანადაფინანსება სესხის პროცენტის ნახევარი იქნება, ხოლო მრავალშვილიანი ოჯახებისთვის - 2/3.
• ამასთან, დღეიდან პროგრამის „აწარმოე საქართველოში“ ფარგლებში ახალი კომპონენტები შედის ძალაში, რომელიც ხელს შეუწყობს ქართული წარმოების გაძლიერებას, ექსპორტის გაფართოებასა და იმპორტის ეტაპობრივ ჩანაცვლებას.
• იუსტიციის სამინისტროს ინიციატივით, საარჩევნო პროცესში შეუფერხებლად მონაწილეობისთვის პირადობის დამადასტურებელი მოწმობები ერთი თვის განმავლობაში უფასოდ გაიცემა. როგორც იუსტიციის სამინისტროს მიერ გავრცელებულ ინფორმაციაშია აღნიშნული, აქცია დღეიდან, 1-ლი სექტემბერიდან ამოქმედდება.

გარდა ამისა, დღეიდან კოვიდვაქცინის ორი დოზით აცრილი პირები იუსტიციის სამინისტროს სერვისების ნაწილს უფასოდ მიიღებენ, ნაწილს კი – ნახევარ ფასად.

გააკეთე კომენტარი
FB კომენტარი
სხვა სიახლეები