ტყიბულში, მინდელის სახელობის შახტთან შეკრებილი მეშახტეები საპროტესტო აქციას მართავენ. როგორც აქციის მონაწილეები აცხადებენ, მათთვის მიუღებელია შახტის დახურვა და ნაცვლად დახურვისა, უსაფრთხოების ზომების დაცვას ითხოვენ.როგორც ცნობილია, პრემიერის გადაწყვეტილებით, ტყიუბულის შახტი არ განაახლებს მუშაობას, ვიდრე არ დასრულდება, როგორც სისხლის სამართლებრივი გამოძიება, ისე მაღალკვალიფიციური საერთაშორისო საინჟინრო-ტექნიკური ექსპერტიზა. შახტში დასაქმებულებს ამ პერიოდის განმავლობაში აუნაზღაურდებათ ხელფასი. ტყიბულში, მინდელის შახტის ერთ-ერთ გვირაბში, გუშინ დილით მომხდარი აფეთქების შედეგად, 4 ადამიანი დაიღუპა და 6 დაშავდა. შსს-ს ცნობით, შახტის გვირაბში, სავარაუდოდ, მეთანის აფეთქების შედეგად კედლების დეფორმაციას ჭერის ჩამოშლა მოჰყვა.
იხილეთ: უბედური შემთხვევა ტყიბულში - შსს-ის ინფორმაციით, დაღუპულია 4 მეშახტე
მეშახტეების განცხადებით, მათ იმ ტერიტორიაზე უწევთ მუშაობა, სადაც შესვლა არ შეიძლება
"ყველა პასუხისმგებელი პირი კანონის სრული სიმკაცრით დაისჯება" - ქვეყნის პირველი პირების რეაქცია