თევზის მწარმოებელი ესპანური კომპანია დიბაქი საქართველოში ინვესტირებით არის დაინტერესებული და საპარტნიორო ფონდთან ერთად შავი ზღვის სანაპიროზე თევზის წარმოების განვითარებისა და საწარმოო კომპლექსის მშენებლობის შესაძლებლობას განიხილავს.საქართველოს თევზის წარმოებაში მსხვილი საინვესტიციო პროექტის განხორციელების მიზნით საპარტნიორო ფონდის წარმომადგენლებმა შეხვედრები გამართეს ესპანეთის ბიზნეს კომპანიების ასოციაციის მენეჯმენტთან. მხარეებმა სამომავლო თანამშრომლობის პერსპექტივები და დამატებითი ინვესტიციების მოზიდვისთვის ესპანური ექსპორტ-იმპორტის სააგენტოს სესკეს ჩართულობის საკითხებიც განიხილეს.