აშშ-ის პრეზიდენტის, ჯო ბაიდენის ადმინისტრაცია კლიმატის ცვლილების შესაჩერებლად ახალ პოლიტიკას შეიმუშავებს და ჩინეთს მოუწოდებს სითბური გაზების გამოყოფა შეამციროს, - ამის შესახებ აშშ-ის კლიმატის ცვლილების ეროვნულმა მრჩეველმა ჯინა მაკკარტიმ, განაცხადა.
მისი თქმით, თეთრი სახლის ახალი ადმინისტრაცია კლიმატის ცვლილების შესაჩერებლად საკუთარ გეგმებსა და ხედვებს ოფიციალურად 27 იანვარს წარადგენს.
აღსანიშნავია, რომ აშშ-ის ახალ პრეზიდენტს წინამორბედთან შედარებით გარემოს დაცვასთან დაკავშირებით განსხვავებული ხედვა აქვს. ჯო ბაიდენმა ინაუგურაციის შემდეგ განაცხადა, რომ გლობალური დათბობის შეჩერება მისი ერთ-ერთი პრიორიტეტი იქნება და აშშ კლიმატის ცვლილების შესახებ 2015 წლის პარიზის შეთანხმებას დაუბრუნდება.