2016 წელს საქართველოში უძრავი ქონების ბაზარი საგრძნობლად გაიზარდა. „თიბისი ბანკის“, აისეტისა და ჯამფსტარტის ერთობლივი კვლევის თანახმად, ბაზარზე 2016 წელს 89 120 ტრანზაქცია დაფიქსირდა, რაც 2015 წლის მონაცემებთან შედარებით, 20.2%-ით მეტია. 2016 წელს ყველაზე მეტი ტრანზაქცია თბილისში დაფიქსირდა - 34 440 ერთეული, რაც მთლიანი გაყიდვების 38.6%-ია, მეორე ადგილზეა კახეთი - 10 666 ერთეულით, ხოლო მესამეზე აჭარა - 8 551 ერთეული. დედაქალაქში 2016 წელს ყველაზე მეტი ტრანზაქცია ვაკეში დაფიქსირდა - 6 892 ერთეული, რაც დედაქალაქის გაყიდვების 20 %-ია. გაყიდვების მოცულობის მხრივ მეორე და მესამე ადგილებზეა საბურთალო - 5 909 ერთეულით და სამგორი 3 748 ერთეულით.