თითქმის 15 თვის შემდეგ თბილისის მეტროპოლიტენი მუშაობას ჩვეულ რეჟიმს უბრუნდება. მიწისქვეშა საქალაქო ტრანსპორტი დღეიდან მგზავრებს დილის ექვსი საათიდან ღამის თორმეტამდე მოემსახურება.
თბილისის სატრანსპორტო კომპანიის ინფორმაციით, 2019 წლის 1 ივლისიდან დღემდე მეტროპოლიტენის ერთი საათით ადრე მუშაობის შეჩერება ენერგოუსაფრთხოების და სავენტილაციო სისტემების რეაბილიტაციას უკავშირდებოდა, რომელიც უკვე დასრულდა. სრულად შეიცვალა 550 კმ მოძველებული ძალოვანი სადენები და დამონტაჟდა ევროპული სტანდარტის 32 გამნიავებელი.