კასპის მუნიციპალიტეტის სოფელ ქვემო ჭალის მკვიდრი, 96 წლის გორა ღარიბაშვილი საქართველოს ცენტრალური ხელისუფლების მიერ კონტროლირებად ტერიტორიაზე იმყოფება, – ამის შესახებ სახელმწიფო უსაფრთხოების სამსახურში აცხადებენ.
გუშინ გავრცელებული ინფორმაციით, 96 წლის გორა ღარიბაშვილი რუსმა სამხედროებმა საოკუპაციო ხაზთან დააკავეს, მოგვიანებით სუს-მა განმარტა, რომ გორა ღარიბაშვილი ოკუპირებულ ტერიტორიაზე იმყოფებოდა, თუმცა მისი უკანონო დაკავების ფაქტი არ დასტურდებოდა.
აღსანიშნავია, რომ გორა ღარიბაშვილი საოკუპაციო რეჟიმს რამდენჯერმე ჰყავდა დაკავებული. რუსმა ოკუპანტებმა ის ბოლოს გასულ წელს დააკავეს.