შინაგან საქმეთა სამინისტრომ თეთრიწყაროში დიდი ოდენობით ნარკოტიკული საშუალება ამოიღო. უწყების ინფორმაციით, ჩატარებული სპეცოპერაციის შედეგად ჯამში ამოღებულია 2 კილო და 300 გრამი ნარკოტიკული საშუალებები, რომელიც „ჰეროინს“, „მორფინს“ და „კოდეინს“ მოიცავს. განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით დაკავებულია 1958 წელს დაბადებული პირი, რომლისთვისაც წარდგენილი ბრალი 8-დან 20 წლამდე ან უვადო თავისუფლების აღკვეთას ითვალისწინებს.