ამიშები - ჩაკეტილი რელიგიური თემია, რომელიც საუკუნეების წინ ანაბატისტების (მხოლოდ მოწიფულობის ასაკში მონათვლის მომხრე პროტესტანტი ქრისტიანების) რელიგიურ-სექტანტურ ორგანიზაციას გამოეყო, სახელი კი, მენონიტური სწავლების თავგამოდებული მიმდევრის იაკობ ამინის წყალობით შეიძინეს, რომელიც გერმანელი და ნიდერლანდი მენონიტებისგან, იგივე პაციფისტი ანაბაპტისტებისგან გარე სამყაროსგან მაქსიმალურად მორიდებას, სწავლების წესების დამრღვევთან კი, სასჯელად კონტაქტზე უარის თქმას მოითხოვდა. თუმცა შემწყნარებლობით გამორჩეული ჩრდილოევროპელი მენონიტები არც თანამედროვე მიღწევებით სარგებლობას თაკილობდნენ, არც დანაშაულში მხილებულ თემის წევრთან ურთიერთობას უკადრისობდნენ.