06:52
23 ნოემბერი, 2019, შაბათი
იტვირთება შემდეგი ვიდეო
მკურნალი
შეცდომები, რასაც გრიპის მკურნალობის დროს უშვებენ - მედიკოსების თქმით, არაადეკვატური ქმედებების გამო წელიწადში 650 ათასამდე ადამიანი იღუპება
15-03-2019

ჯანდაცვის მსოფლიო ორგანიზაციის მონაცემებით, გრიპისგან წელიწადში 650 000-მდე ადამიანი იღუპება. მედიკოსები ხაზგასმით აღნიშნავენ, რომ ამის მიზეზი არაადეკვატური მკურნალობაა. ბევრი შეცდომით იწყებს ანტიბიოტიკების მიღებას. გრიპი ვირუსული დაავადებაა და ანტიბიოტიკები ამ შემთხვევაში უბრალოდ არაეფექტურია რადგან ანადგურებს იმუნიტეტის საფუძველს - სასარგებლო მიკროფლორას.

გრიპით დაავადებულები იშვიათად მიმართავენ ექიმს. გრიპმა შეიძლება გართულებების გარეშე ჩაიაროს, მაგრამ შესაძლებელია ლეტალური გამოსავლით დასრულდეს. მხოლოდ სპეციალისტს შეუძლია განსაზღვროს დაავადების სიმძიმის ხარისხი და დანიშნოს სწორი თერაპია. გარდა ამისა, სიმპტომებით გრიპი შეიძლება ზოგიერთი სხვა დაავადების მსგავსად მიმდინარეობდეს, რომელთაც სრულიად განსხვავებული მკურნალობა ესაჭიროება.

გრიპის სამკურნალოდ მხოლოდ სპეციალური ანტივირუსული საშუალებებია ეფექტური, რომლებიც რამდენადმე ამცირებენ გართულებების რისკს. ისინი განსაკუთრებით ეფექტურია დაავადების პირველ-მეორე დღეს.

პაციენტები, ხშირად დარწმუნებულები არიან, რომ ორგანიზმი თავად შეძლებს გრიპთან გამკლავებას და არ ითვალისწინებენ რთულ იმუნურ რეაქციას. გრიპთან ბრძოლა იმდენ ძალებს საჭიროებს, რომ იზრდება სხვა ინფექციებისა და გართულებების განვითარების რისკი.

არ შეიძლება გრიპის ვირუსით დასნებოვნებულის სიარული სამსახურსა და საზოგადოებრივ ადგილებში. ეს არა მარტო დაავადების გავრცელებისთვისაა საშიში, არამედ დასუსტებული ორგანიზმის პირობებში, თანდართული ინფექციების განვითარებასაც უწყობს ხელს.

გააკეთე კომენტარი
FB კომენტარი
სხვა სიახლეები