უკრაინის მოქალაქის მიერ საქართველოში 10 მცირეწლოვანი ბავშვის ჩამოყვანასთან დაკავშირებით შინაგან საქმეთა სამინისტრო გამოძიებას აწარმოებს. უწყების ცნობით, მათ ხელთ არსებული დოკუმენტაციის თანახმად, 10-ვე ბავშვი უკრაინის მოქალაქის შვილია. იგი აფხაზეთის ოკუპირებულ ტერიტორიაზე გადასვლას აპირებდა. შსს-ში აცხადებენ, რომ აღნიშნულმა ფაქტმა გააჩინა საფუძვლიანი ეჭვი, რომ შესაძლოა საქმე შეიცავდეს ტრეფიკინგის ნიშნებს, რაზეც დაიწყო გამოძიება.