სენაკის მე-2 საჯარო სკოლის 24 მოსწავლე, ინტოქსიკაციის ნიშნებით, ბავშვთა საავადმყოფოში გადაიყვანეს. ამის შესახებ "პალიტრანიუსს" საავადმყოფოში განუცხადეს. ბავშვების ასაკი 10-11 წელია. პაციენტების ზოგადი მდგომარეობა დამაკმაყოფილებელია. მოსწავლეები საავადმყოფოში ზუგდიდიდან გამოძახებული ტოქსიკოლოგის ჩასვლამდე დარჩებიან.
აღნიშნულთან დაკავშირებით, შს სამინისტრომ გამოძიება 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე დაზიანებას გულისხმობს.