საპროკურორო საბჭო დღეიდან გენერალური პროკურორობის კანდიდატებთან გასაუბრებას იწყებს. საბჭოს წევრები 10:00 საათზე ტექნიკურ შეხვედრას გამართავენ, სადაც პროკურორობის მსურველებთან ინტერვიუს წარმართვის რეგლამენტს განსაზღვრავენ, 11:30 საათზე კი პირველ კანდიდატთან ინდივიდუალურ რეჟიმში დაიწყება გასაუბრება.
როგორც ცნობილია, ანბანური თანმიმდევრობით დღეში ორ კანდიდატს მოუსმენენ, ინტერვიუების ნახვა კი მოქალაქეებს საპროკურორო საბჭოს ვებგვერდზე ლაივსტრიმის საშუალებით შეეძლებათ.
საპროკურორო საბჭოში განმარტავენ, რომ პროცესი გამჭვირვალედ წარიმართება და პროკურორობის კანდიდატებს კანონით განსაზღვრული კრიტერიუმებით, პროფესიონალიზმის, გამოცდილებისა და კეთილსინდისიერების კრიტერიუმებით შეარჩევენ.