საპატრულო პოლიციის ყოფილ უფროსს დავით ცინარიძეს აღკვეთის ღონისძიება შეეცვალა. ოჯახური ძალადობის ბრალდებით დაკავებული საპატრულო პოლიციის ყოფილი ხელმძღვანელი სასამართლო დარბაზიდან გაათავისუფლეს.
მოსამართლემ დაცვის მხარის შუამდგომლობა დააკამაყოფილა და ცინარიძეს პატიმრობა გირაოთი შეუცვალა. როგორც დავით ცინარიძის ადვოკატი კახა ხვისტანი ამბობს, პერსპექტივა, რომ ამ საქმეზე გამამტყუნებელი განაჩენი იქნას გამოტანილი, არ არსებობს. შეგახსენებთ, რომ დავით ცინარიძე აპრილში მეუღლის მიმართ განხორციელებული მუქარისა და ძალადობის ბრალდებით დააკავეს.