13:44
19 აგვისტო, 2019, ორშაბათი
იტვირთება შემდეგი ვიდეო
ეკონომიკა
საოჯახო ტიპის სასტუმროებისთვის სასმელი წყლის ახალი ტარიფის მოდელი 2020 წლის 1-ლი იანვრიდან ამოქმედდება
20-06-2019

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ საოჯახო სასტუმროებისთვის სასმელი წყლის ახალი ტარიფის მოდელი დაამტკიცა. სხდომაზე მიღებული გადაწყვეტილება არ შეეხება იმ ბინებს, რომლებიც ქირავდება გარკვეული პერიოდულობით, მათ შორის სხვადასხვა საიტების საშუალებით. აქედან გამომდინარე, ის პირები, რომლებიც აქირავებენ ბინებს როგორც დღიურად, ასევე გრძელვადიან პერიოდში,  სასმელი წყლის საფასურს საყოფაცხოვრებო ტარიფის შესაბამისად გადაიხდიან. სემეკის მიერ მიღებული გადაწყვეტილება ეხება მხოლოდ საოჯახო ტიპის სასტუმროებს. რაც შეეხება ტარიფის მოდელს,  კომისიის მიერ დამტკიცებულია ორი ტიპის მოდელი და მომხმარებელია უფლებამოსილია მოითხოვოს მათგან ერთ-ერთი.  პირველი  მოდელის შესაბამისად, საოჯახო სასტუმროს მფლობელის მთელ ობიეტზე სასმელი წყლის მოხმარება აღირიცხება ერთობლივად. კერძოდ კი, არასაყოფაცხოვრებო ტარიფი დაერიცხება მოხმარებული სასმელი წყლის მხოლოდ იმ ოდენობას, რაც აღემატება თვის განმავლობაში  25მ3-ს. მეორე მოდელის მიხედვით, სასმელი წყლის მოხმარება ობიექტის იმ ნაწილზე, სადაც ხორციელდება ტურისტების მომსახურება, აღირიცხება განცალკევებულად. ანუ მხოლოდ იმ ნაწილზე, სადაც ხორციელდება ტურისტების სისტემატური მომსახურება, სასმელი წყლის საფასური დაირიცხება არასაყოფაცხოვრებო ტარიფით. საოჯახო ტიპის სასტუმროებისთვის სასმელი წყლის ახალი ტარიფის მოდელი 2020 წლის  1-ლი იანვრიდან ამოქმედდება.

AutoPlay
GWP-მ მგალობლიშვილის ქუჩაზე დაზარალებულ მოსახლეობას ზიანი სრულად აუნაზღაურა
გამოქვეყნდა 1 საათის წინ
Disney-ს სტუდიამ ერთ წელიწადში ხუთი მილიარდ ბიუჯეტიანი ფილმი გადაიღო
გამოქვეყნდა 3 საათის წინ
დანიური ბანკი იპოთეკურ სესხებზე უარყოფით საპროცენტო განაკვეთს აწესებს
გამოქვეყნდა 4 საათის წინ
საავტომობილო ზეთების ყველააზე მსხვილი მომწოდებელი იარანია
გამოქვეყნდა 4 საათის წინ
თბილისის მარჯვენა სანაპიროზე საბავშვო ბაღების საკვებით მომარაგების ტენდერი ჩაიშალა
გამოქვეყნდა 4 საათის წინ
რეგიონები, სადაც ყველაზე დიდი მოცულობის ინვესტიციები განხორციელდა
გამოქვეყნდა 4 საათის წინ
გააკეთე კომენტარი
FB კომენტარი
სხვა სიახლეები