21:20
6 ივლისი, 2020, ორშაბათი
იტვირთება შემდეგი ვიდეო
ეკონომიკა
საქართველოში კიდევ ერთი მიკროსაფინანსო ორგანიზაცია გაუქმდა - წლიურად მისო-ების რიცხვი 19-ით შემცირდა
12-11-2019

საქართველოში კიდევ ერთი მიკროსაფინანსო ორგანიზაცია უქმდება. ამის შესახებ ეროვნული ბანკის ვიცე-პრეზიდენტის 1-ლი ნოემბრის განკარგულებაშია აღნიშნული.

კერძოდ, საუბარია, შპს ,,მიკროსაფინანსო ორგანიზაცია სვის-კრედიტზე“. განკარგულების თანახმად, გაუქმდა მისი როგორც მისო-ს რეგისტრაცია და დაიწყო ორგანიზაციის ლიკვიდაციის პროცესი.

მიმდინარე წელს მიკროსაფინანსო ორგანიზაციათა რიცხვი თითქმის ყოველთვიურად მცირდება, რაზეც ეროვნული ბანკის სტატისტიკაც მეტყველებს. კერძოდ, როგორც ეროვნული ბანკის ვებგვერდზეა აღნიშნული, 2019 წლის იანვრის მდგომარეობით, ქვეყანაში 65 მიკროსაფინანსო ორგანიზაცია იყო რეგისტრირებული, თებერვლის მონაცემებით - 63 მისო; მარტ-აპრილში - 61; მაისში - 58 მისო ფუნქციონირებდა; ივნისში ქვეყანაში უკვე 56 მიკროსაფინანსო ორგანიზაცია იყო რეგისტრირებული, ივლისში - 55; აგვისტოში - 53, სექტემბერში - 52; ხოლო 11 ნოემბრის მდგომარეობით მათი რიცხვი 48-ს შეადგენს.

აღსანიშნავია, რომ წლიურად მიკროსაფინანსო ორგანიზაციათა რაოდენობა უკვე 19-ით არის შემცირებული. კერძოდ, გასული წლის ნოემბრის მდგომარეობით, საქართველოში 67 მისო იყო რეგისტრირებული.

გააკეთე კომენტარი
FB კომენტარი
სხვა სიახლეები