2021 წლის 1-ლი აგვისტოდან 26 დეკემბრის ჩათვლით პერიოდში, საქართველოდან 17 ათასი ტონა თხილის ექსპორტი განხორციელდა, რომლის ღირებულებამ 72.2 მლნ დოლარი შეადგინა.
გარემოს დაცვისა და სოფლის მეურნეობის სამინისტროს ინფორმაციით, გასული წლის ანალოგიურ პერიოდთან შედარებით, ექსპორტირებული თხილის მოცულობა 3.7 ათასი ტონით ანუ 28%-ით, ხოლო ღირებულება - 7.2 მლნ დოლარით ანუ 10% გაიზარდა.
ქართული თხილის ექსპორტი, ძირითადად, ევროკავშირის ბაზრებზე ხორციელდება - იტალიაში, გერმანიაში, ესპანეთში, საფრანგეთში და ა.შ. ასევე ქართული თხილი ექსპორტზე გადის: სომხეთში, ჩინეთში, უკრაინაში, რუსეთში და სხვა ქვეყნებში.