საფრანგეთში ბოლო 24 საათის განმავლობაში კორონავირუსით 833 ადამიანი დაიღუპა, - ამის შესახებ ინფორმაციას "ბიბისი" ავრცელებს. გამოცემის ცნობით, ქვეყანაში გარდაცვლილთა საერთო რაოდენობამ 8 911-ს მიაღწია, დადასტურებული შემთხვევების რიცხვი კი - 98 010-ია.
ამასთანავე, ბოლო დღე-ღამის განმავლობაში საფრანგეთში რეანიმაციულ განყოფილებებში მყოფი პაციენტების რაოდენობა უმნიშვნელოდ, მხოლოდ 1,3 პროცენტით, გაიზარდა.
აღსანიშნავია, რომ კორონავირუსით დაინფიცირებული პაციენტების გარდაცვალების მაჩვენებლით იტალიის, ესპანეთისა და აშშ-ის შემდეგ საფრანგეთი მე-4 ადგილზეა.