რუსეთის მთავრობის დადგენილებით, 1-ლი აპრილიდან რუსეთის ტერიტორიაზე ლუდის მარკირების ექსპერიმენტი დაიწყო, რომელიც მომავალი წლის აგვისტოს ბოლომდე გაგრძელდება. ექსპერიმენტი, ასევე, ეხება ლუდის შემცველობისა და გარკვეული ტიპის დაბალალკოჰოლურ სასმელს.
ექსპერიმენტში მონაწილეობის მიღება შეუძლიათ მოხალისე ლუდის მწარმოებლებს, იმპორტიორებს, საბითუმო, საცალო ვაჭრობისა და საზოგადოებრივი კვების მომსახურე ორგანიზაციებს. მონაწილეებმა უნდა განსაზღვრონ თავიანთი საქონლის ჩამონათვალი და ციფრული აღრიცხვისა და ეტიკეტირების სისტემების შესაძლებლობები დატესტონ.
როგორც დადგენილებაში წერია, ექსპერიმენტის მიზანია სპეციალისტების მიერ წინადადებების შემუშავება იმ კანონმდებლობაში შესწორების შეტანის მიზნით, რომელიც ლუდის, ლუდის შემცველობისა და გარკვეული ტიპის დაბალალკოჰოლიანი სასმელების ბრუნვას არეგულირებს. აგრეთვე, უნდა დადგინდეს ამ ტიპის სასმელების სავალდებულო ეტიკეტირების შემოღების მიზანშეწონილობა შესაბამისი ტექნოლოგიური შესაძლებლობების გამოყენების საფუძველზე.