09:20
15 ნოემბერი, 2019, პარასკევი
იტვირთება შემდეგი ვიდეო
ჩემი კითხვა
სოზარ სუბარი - ვინც თურქეთის სახელმწიფოზე ამბობს, რომ იქ კუდიანების დევნა ხდება, გადაახვიონ რამდენიმე თვის წინანდელი კადრები
09-06-2017

იმ ადამიანებმა, ვინც თურქეთის სახელმწიფოზე ამბობს, რომ იქ კუდიანების დევნა ხდება, გადაახვიონ რამდენიმე თვის წინანდელი კადრები და ნახონ, რა ხდებოდა თურქეთში, - ამის შესახებ ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების მინისტრმა სოზარ სუბარმა ”პალიტრანიუსის”  გადაცემა ”ჩემი კითხვის” ეთერში დემირელის სკოლის მენეჯერის საკითხის კომენტირებისას განაცხადა.
სუბარის თქმით, ამ ადამიანმა სამინისტროს რამდენიმე დღის წინ მიმართა  და მხოლოდ ახლა დაიწყო შესწავლა.
”მან და მისმა ადვოკატებმა უნდა წარმოადგინონ საკმარისი მტკიცებულებები იმისა, რომ ეს ადამიანი მართლაც არის დევნის მსხვერპლი და მის წინააღმდეგ სამართლებრივი პროცედურები არ ჯდება კანონის ფარგლებში. ამას ითვალისწინებს კანონი და პროცედურა. სხვათა შორის სულ რომ არ მოემართა ჩვენთვის ის მაინც იგივე მდგომარეობაში იქნებოდა, ანუ მის მიმართ გამოცხადებულია ძებნა, პროკურატურა მოვალე იყო დაეკავებინა და საექსტრადაციო პატიმრობა შეეფარდებინა, თუმცა ექსტრადიცია ვერ განხორციელდება იქამდე, ვიდრე თურქული მხარე არ წარმოადგენს საქართველოს პროკურატურაში შესაბამის მტკიცებულებებს ამ ადამიანის დანაშაულის შესახებ, მხოლოდ ამის შემდეგ იქნება მიღებული გადაწყვეტილება ამ ადამიანის ექსტრადიციის შესახებ. ამ ბოლო დროს ისეთი შეხედულება იქმნება, თითქოს თურქეთში რაღაც ბოროტი ძალები ნადირობენ კუდიანებზე - ეს ასე არ არის, რადგან ჩვენ ყველანი ვიყავით მომსწრე, როდესაც სამხედრო გადატრიალების მცდელობა ათასობით შეიარაღებუილი პირი ტანკებით, ქვემეხებით მოქმედებდნენ, იყო ტავდასხმები სახელმწიფო შენობებზე და ა.შ. იყო ძალიან სერიოზული საფრთხე სამხედრო გადატრიალების, ეს საფრთხე იქნა აცილებული თავიდან. დღეს რომ ვთქვათ, რომ ვიღაცა რაღაცას იგონებს ვიქნებით არასერიოზული, ეს არის ერთი ნაწილი და მეორე ნაწილი არის თუ ვის მიუძღვის ამაში ბრალი და ა.შ. ამაზე მტკიცებულებები უნდა იქნას წარმოდგენილი წინასწარ იმაზე საუბარი ვინმეს მიეცემა თუ არა სტსტუსი არის წარმოუდგენელი, ყველაფერი კანონის შესაბამისად მოხდება. იმ ადამიანებმა, ვინც თურქეთის სახელმწიფოზე ამბობს, რომ იქ კუდიანების დევნა ხდება, გადაახვიონ რამდენიმე თვის წინანდელი კადრები და ნახონ, რა ხდებოდა თურქეთში”, - აღნიშნა მინისტრმა.

გააკეთე კომენტარი
FB კომენტარი
სხვა სიახლეები