რუსთაველის თეატრის დასი მოსკოვში მიემგზავრება. სახელმწიფო თეატრი ჩეხოვის ფესტივალში მიიღებს მონაწილეობას. სპექტაკლები 30 ივნისს, 1 და 2 ივლისს გაიმართება. ჯერ თეატრს ოფიციალური კომენტარი საკითხზე არ გაუკეთებია, თუმცა ფაქტზე უკვე ისაუბრა კულტურის მინისტრმა თეა წულუკიანმა. როგორც წულუკიანი ამბობს ის თეატრების საქმიანობაში არ ერევა და ყველა სამხატვრო ხელმძღვანელი გადაწყვეტილების მიღებაში თავისუფალია.