08:51
29 მარტი, 2020, კვირა
იტვირთება შემდეგი ვიდეო
ეკონომიკა
რომელი ქვეყნის მოქალაქეები გააძევეს 2019 წელს ყველაზე ხშირად საქართველოდან - 104 ადამიანიდან 2 რუსეთის მოქალაქეა
14-02-2020

შინაგან საქმეთა სამინისტრომ მიგრაციის 2019 წლის სტატისტიკური მონაცემები გამოაქვეყნა. უწყების ცნობით, გასული წლის განმავლობაში უცხოელის საქართველოდან გაძევების 104 შემთხვევა დაფიქსირდა.

საანგარიშო პერიოდში ყველაზე მეტი - 32 პირი, ვინც საქართველოდან გააძევეს, აზერბაიჯანის მოქალაქე იყო, 11-11 პირი - თურქეთისა და ირანის მოქალაქეები; 8 - ინდოეთის, 7 - ნიგერიის, 6 - ერაყის, 5 - ეგვიპტის, 4 - მაროკოს, 3 - სომხეთის; ხოლო 2-2 ანგოლისა და რუსეთის მოქალაქეები იყვნენ.

თითო-თითო  კი, სხვა ქვეყნის მოქალაქეების გაძევების  შემთხვევა დაფიქსირდა. ეს ქვეყნებია - ეთიოპია, კოტ-დიუარი, ბანგლადეში, კონგო, ნეპალი, პაკისტანი, ჰაიტი, კანადა, კენია, უზბეკეთი, უკრაინა, ბულგარეთი და გამბია.

რაც შეეხება ასაკობრივ კატეგორიებს, ყველაზე მეტი - 50 გაძევებული პირი 26-40 წლამდე იყო; 23 - 18 წლამდე; 16 გაძევებული პირი - 41-დან 65 წლამდე, ხოლო 15 ადამიანი - 18-დან -25-მდე ასაკის იყვნენ.

გააკეთე კომენტარი
FB კომენტარი
სხვა სიახლეები