ამბობენ, ახალი წლის ღამეს როგორც გაატარებ, შემდეგ მთელი წელი ისეთი გექნებაო, ამიტომაც ქალბატონები 31 დეკემბრისთვის განსაკუთრებულად ემზადებიან. არჩევენ საღამოს კაბებს და დიზაინერების რჩევებს ითვალისწინებენ.
2017 - მამლის წელია. როგორც დიზაინერი თინათინ მაღალაშვილი ამბობს, მოდის სამყაროში ექსპერიმენტებს არ მოერიდებიან და კარგად დავიწყებული ძველი ტენდენციებიც გაცოცხლდება. ამიტომ ამ წელს შეგვიძლია თავს უფლება მივცეთ და ვიყოთ თამამები. არ ვთქვათ უარი დეკოლტესა და ფერად სამოსზე.