ანტალიაში, ქემერის რაიონში ხუთვარკვლავიან სასტუმროში გაჩენილი ხანძრის გამო, 400 ადამიანის ევაკუაცია განხორციელდა. ხანძრის შედეგად არიან დაშავებულები. ადგილობრივი მედიის ცნობით საავადმყოფოში რუსეთის 4 მოქალაქე და 10 თურქი გადაიყვანეს, რომლებიც გავრცელებული ინფორმაციით ხანძრის შედეგად გამოწვეული დაკვამლიანების გამო შეუძლოდ გახდნენ. ხანძარი სასტუმროს სამზარეულოში ადგილობრივი დროით დილის 08:00 საათზე გაჩნდა. მეხანძრეებმა ზოგიერთი დამსვენებლის ევაკუაცია აივნებიდან მოახერხეს. საქართველოს საგარეო საქმეთა სამინისტროს ცნობით, დაშავებულთა შორის საქართველოს მოქალაქეებია არ არიან. ხანძრის გამომწვევი მიზეზი ამ დრომდე უცნობია.