ტეხასის უნივერსიტეტში მეცნიერებმა შეიმუშავეს ალგორითმი, რომელიც სპეციალისტებს ყოველ კონკრეტულ პაციენტთან სიმსივნის ევოლუციის წინასწარ განსაზღვრის საშუალებას მისცემს. სისტემა ითვალისწინებს ქსოვილებსა და უჯრედებში მიმდინარე ძირითად ბიოლოგიურ პროცესებს, ასევე, სხვადასხვა ტიპის უჯრედთა ზრდის სქემებს და სხვა მრავალ ფაქტორს. საყურადღებოა ისიც, რომ ალგორითმის გამოყენება შესაძლებელია ყველა ტიპის სიმსივნესთან მიმართებაში. ამ საინტერესო ალგორითმის ავტორი, იუშენ ფენი მომავალში ექიმი-ონკოლოგებისთვის თავის ალგორითმზე დაყრდნობით ახალი კომპიუტერული პროგრამის შემუშავებას გეგმავს.