21-ე საუკუნეში კომპიუტერული ტექნოლოგიები, მათი სიმარტივე და გამართულობა სასიცოცხლოდ მნიშვნელოვანი გახდა. ხალხისთვის ინტერნეტი და სხვადასხვა ტექნოლოგიები დღითიდღე სულ უფრო და უფრო მეტად მნიშვნელოვანი ხდება. პირველი კომპიუტერი 1945 წელს ამერიკელი ფიზიკოსების მიერ შეიქმნა, თუმცა მათი დღევანდელ ფორმებამდე მოყვანა, მეოცე საუკუნის მეორე ნახევარში მოღვაწე რამდენიმე უდიდესმა პიროვნებამ მოახერხა. სწორედ ერთ-ერთი მათგანი იყო ბილ გეითსი, რომელმაც მეოცე საუკუნეში ჩამოაყალიბა კომპანია, ამ კომპანიამ კი დიდი, რთულად გამოსაყენებელი და ძალიან ვიწრო შესაძლებლობების მქონე ყუთი, მცირე ზომის, ძალიან მნიშვნელოვან და მრავალმხრივ მანქანად აქცია.