საქართველოში მოგების გადასახადის ე. წ. ესტონური მოდელის ამოქმედებიდან უკვე რამდენიმე თვე გავიდა. ბიზნესი კონკრედულ შედეგებს სავარაუდოდ წლის ბოლოს დაითვლის. მანამდე კი ესტონური მოდელის უპირატესობებსა და რისკებს ექსპერტები აფასებენ. ეკონომისტ მიხეილ დუნდუას განცხადებით, რეფორმის შედეგად ბიზნესი დაგროვებაზე ორიენტირებული გახდა.
არასამთავრობო ორგანიზაცია საზოგადოება და ბანკების ფინანსური ანალიტიკოსის განმარტებით, საქართველოში ესტონური მოდელის ამოქმედების შედეგად მოსალოდენლი ბიუჯეტის დეფიციტი ხელისუფლებამ აქციზის გადასახადის გაზრდით დააკომპენსირა.მოგების გადასახადის რეფორმა საქართველოში მიმდინარე წლის პირველი იანვრიდან განხორციელდა. ე.წ. ესტონური მოდელი კომპანიას რეინვესტირების შემთხვევაში მოგების გადასახადისგან სრულად ათავისუფლებს. საწარმო მოგების გადასახადით მხოლოდ მოგების განაწილების შემთხვევაში იბეგრება.