06:17
17 ნოემბერი, 2018, შაბათი
იტვირთება შემდეგი ვიდეო
მშობლები
რატომ არის ხორცი აუცილებელი მოზარდის ორგანიზმისთვის? - "ფერმკრთალნი არიან, სისუსტეს და ადვილად დაღლას გრძნობენ..."
02-11-2018

ბავშვებისა და მოზარდების გარკვეული ნაწილი ხორცს არ მიირთმევს. უბრალოდ არ უყვართ და მშობლებიც ვერ აძალებენ. ხორცი აუცილებელი პროდუქტია მოზარდი ორგანიზმისთვის. ადამიანი, რომელიც მხოლოდ მცენარეული პროდუქტებით იკვებება, ცილების, რკინისა და გარკვეული ვიტამინების დეფიციტს განიცდის. ცილა კი მოზარდი ორგანიზმის ძირითადი და უმთავრესი აგურია. თუ ზრდასრული ადამიანი ცხოველური ცილის დეფიციტს მცენარეულით ივსებს და ეს საკმაოდ რთულია, ბავშვების შემთხვევაში ეს პრაქტიკულად ვერ ხდება და სამწუხაროდ, მოზარდებს ამის საფუძველზე სერიოზული ძვრები და პრობლემები ექმნებათ.
გახსოვდეთ, მოზარდ ორგანიზმს განსაკუთრებით ბევრი ცილა სჭირდება, მაგალითად, 1-დან 3 წლამდე ასაკის ბავშვმა ყოვედღიურად საკვებიდან 4,5 გრამი ცილა უნდა მიიღოს სხეულის მასის ყოველ კილოგრამზე. ყველაზე მაღალი ათვისებადობა კი სწორედ ცხოველურ ცილას აქვს . თუ ბავშვი ხორცის გარდა კვერცხსა და რძის ნაწარმსაც არ ჭამს, ეს კიდევ უფრო მძიმედ აისახება მის ჯანმრთელობაზე,რადგან გამოდის, რომ ბავშვი პრაქტიკულად სრულად მოკლებულია ცხოველურ ცილას.

მეორე პრობლემა, რომელიც ამ ფონზე ვითარდება - რკინის დეფიციტია. რკინის რეალური წყარო არა ხილი ან კენკრა, არამედ სწორედ ხორცეულია. თევზისა და ხორცის არამოყვარულ ბავშვებს ჰემოგლობინის დაბალი შემცველობა აღენიშნებათ. ისინი ფერმკრთალნი არიან, სისუსტესა და ადვილად დაღლას გრძნობენ. მესამე პრობლემა, რომელიც ხორცეულზე უარის თქმის შემთხვევაში იჩენს თავს B12(ბე12) ვიტამინის დეფიციტია. ეს ვიტამინი ნერვული და სისხლმბადი სისტემების ნორმალურ ფუნქციობაზეა პასუხისმგებელი. მცენარეულ პროდუქტებში B12 ვიტამინი პრაქტიკულად არ შედის. და კიდევ, იმისათვის, რომ მოზარდმა ორგანიზმმა კალციუმისა და თუთიის სათანადო რაოდენობა მიიღოს, საკმაოდ დიდი რაოდენობით მცენარეული საკვები უნდა მიირთვას ყოველდღიურად, რადგან ხილსა და ბოსტნეულში ეს ელემენტები გაცილებით ნაკლებია, ვიდრე რეალურად ხორცში.

ასე რომ, მიაქციეთ ყურადღება თქვენი პატარების საკვებ რაციონს. შეეცადეთ შეაყვაროთ მათ ხორცი, კვერცხი, თევზი და რძის ნაწარმი. გახსოვდეთ, ჯანსაღი და სწორი კვება ჯანმრთელობის საფუძველია!

AutoPlay
დაუშვებელია მეორადი ან უფროსი დედმამიშვილების ფეხსაცმლის ჩაცმა - უნდა ეცვათ თუ არა ბავშვებს ორთოპედიული ფეხსაცმელი?
15-11-2018
რა ზიანი შეიძლება მოგვიტანოს ჩიფსების ჭამამ? - შესაძლოა შეშუპებისა და გულის მუშაობის დარღვევის მიზეზადაც იქცეს...
14-11-2018
აუცილებელია თუ არა წვნიანი ბავშვისთვის? - ორი საწინააღმდეგო ვერსია და არგუმენტები ექიმებისგან
13-11-2018
კანადელი მეცნიერების განცხადებით, რძის მოყვარული ბავშვები თანატოლებთან შედარებით ბევრად მაღლები არიან - მათ უფრო ჯანსაღი თმა და ფრჩხილები აქვთ
12-11-2018
რამდენად ხშირად უნდა გარეცხოთ სამზარეულოს ნიჟარა? - რეკომენდაციები საკვები ჰიგიენის დარგის სპეციალისტებისგან
12-11-2018
რატომ არასდროს ჭირვეულობენ იაპონელი ბავშვები? - გაეცანით მათ ტრადიციასა და პატარების აღზრდის მეთოდს
12-11-2018
გააკეთე კომენტარი
FB კომენტარი
სხვა სიახლეები