თბილისის საკრებულომ დედაქალაქის მერიის ბიუჯეტი დაამტკიცა. ბიუჯეტის პროექტს მხარი 37-მა დეპუტატმა დაუჭირა. საკრებულოს ოპოზიცია სხდომას პოტესტის ნიშნად არ ესწრებოდა. მერიის ინფორმაციით, 2019 წლის ბიუჯეტის პროექტის მთლიანი მოცულობა 927, 6 მლნ ლარით განისაზღვრა, რაც გასული წლის თავდაპირველად დამტკიცებულ ბიუჯეტთან შედარებით (861,6 მლნ) 66 მლნ ლარით არის გაზრდილი, ხოლო 2018 წლის დაზუსტებულ ბიუჯეტთან შედარებით გაზრდილია 10, 8 მლნ ლარით.