2017 წლის ზაფხულის სანავიგაციო სეზონის განმავლობაში ყაზახური ავიაკომპანია სკატ ეარლაინსი აქტაუ-თბილისი-აქტაუს მიმართულებით ფრენებს გაზრდილი სიხშირით შეასრულებს. სამოქალაქო ავიაციის სააგენტოს ცნობით, 26 მარტიდან ავიაკომპანია ოპერირებას კვირაში 3 სიხშირის ნაცვლად, 5 სიხშირით განახორციელებს. ფრენები ბოინგ ბი 737 და სიარჯი 200 ტიპის საჰაერო ხომალდებით განხორციელდება.
სკატ ეარლაინსი საქართველოს საავიაციო ბაზარზე რეგულარულ საჰაერო მიმოსვლას 2006 წლიდან ახორციელებს.