პრეზიდენტის მიერ შექმნილმა საკონკურსო კომისიამ ცესკოს თავმჯდომარის ვაკანტურ თანამდებობაზე ორი კანდიდატი, ცესკოს მოქმედი თანამშრომლები - გიორგი კალანდარიშვილი და გიორგი სანტურიანი შეარჩია. გარდა ამისა, კომისიამ ასევე შეარჩია 5 კანდიდატი ცესკოს წევრის ვაკანტურ თანამდებობებზე.
ცნობისთვის, გიორგი კალანდარიშვილი ცენტრალურ საარჩევნო კომისიაში ადამიანური რესურსების დეპარტამენტის უფროსის თანამდებობას იკავებს, ხოლო გიორგი სანტურიანი იურიდიული დეპარტამენტის უფროსია.