პოლონეთში, გასული დღე-ღამის განმავლობაში, კორონავირუსს კიდევ 954 ადამიანის სიცოცხლე ემსხვერპლა, რაც რეკორდულად მაღალი დღიური მაჩვენებელია ქვეყნისთვის პანდემიის დაწყების დროიდან. პოლონეთში დღემდე ფატალური შემთხვევების რეკორდული დღიური რაოდენობა ნოემბერში გამოვლინდა, როდესაც ვირუსს 674 პაციენტის სიცოცხლე ემსხვერპლა. ქვეყანაში, საერთო ჯამში, კოვიდ 19-ით ინფიცირების 2 471 000 შემთხვევაა დადასტურებული, აქედან დაღუპულია 55 703 ადამიანი. პოლონეთის მთავრობამ პანდემიასთან დაკავშირებით დაწესებული შეზღუდვები 18 აპრილამდე გაახანგრძლივა.