შსს-ს ინფორმაციით, ფაშიზმზე გამარჯვების დღისადმი მიძღვნილ აქციაზე და იქვე პარალელურად მიმდინარე კონტრაქციაზე, პოლიციამ 5 პირი დააკავა. როგორც "პალიტრანიუსს" შსს-ს პრესსამსახურიდან აცნობეს, ხუთივე პირი ადმინისტრაციულ სამართალდარღვევათა კოდექსით დააკავა.
ამასთან უწყების ცნობით პოლიციამ ასევე 1 პირი გააფრთხილა. მათ მიმართ გრძელდება ადმინისტრაციული საქმისწარმოება. საქმის მასალები, სამართალდამრღვევთა მიმართ შესაბამისი ადმინისტრაციული სახდელის დადების მიზნით, კანონით გათვალისწინებული პროცედურების დაცვით, გადაიგზავნება საქალაქო სასამართლოში.