მალაიზიური სახელმწიფო ნავთობგაზის კომპანია Petronas-ი აცხადებს, რომ აკვირდება ბუნებრივ აირზე გაზრდილ მოთხოვნას განსაკუთრებით კი იაპონიისა და ევროპის მხრიდან, თუმცა ჯერ ვერ ახერხებს წარმოების გაზრდას. ამის შესახებ გაზეთი The Star-ი წერს.
კომპანიის გაზის მოპოვების დეპარტამენტის ხელმძღვანელის განცხადებით, კომპანია დღეისათვის აწარმოებს მაქსიმუმს, რაც შეუძლია და წარმოების გაზრდა გართულებულია, ვინაიდან ბოლო წლებში კომპანია ინვესტიციების ნაკლებობას განიცდის.
მისივე თქმით, „კომპანია მომდევნო ხუთ წელიწადში გეგმავს წლიურად დახარჯოს 4,5 მლრდ დოლარი პერსპექტიულ განვითარებაზე, რომელზეც ამ დროისთვის 3,3 მლრდ დოლარს ხარჯავს, თუმცა მისივე თქმით, წარმოების შეფერხებებს და ინფლაციას შეუძლია ინვესტიციების მოცულობები შეამციროს.