იტალიურმა „ნაპოლიმ“ კარლო ანჩელოტი მთავარი მწვრთნელის პოსტიდან დაითხოვა. როგორც ნეაპოლელთა ვებგვერდი იტყობინება, გამოცდილ სპეციალისტთან და მის სამწვრთნელო შტაბთან ხელშეკრულება გააუქმა. რადიკალური ნაბიჯის მიზეზი კი სერია A-ში წარუმატებელი შედეგებია, სადაც „აძურის“ ზედიზედ 7 მატჩი არ მოუგია და 21 ქულით მეშვიდე ადგილზე იმყოფება. კარლო ანჩელოტი „ნაპოლის“ 2018 წლის ზაფხულიდან წვრთნიდა. როგორც იტალიური მედია წერს, გადაწყვეტილია, რომ მისი მემკვიდრე ჯენარო გატუზო იქნება.