საქართველოს რვა მოქალაქე "მესაზღვრეებმა" ე.წ. სამხრეთ ოსეთში დასახლებულ პუნქტ აძესარში საზღვრის უკანონო კვეთის ბრალდებით დააკავეს. ამის შესახებ ცხინვალის საინფორმაციო სააგენტო "რეს"-ს ოკუპირებული "სამხრეთ ოსეთის" დე ფაქტო პრეზიდენტის წარმომადგენელმა პოსტკონფლიქტური დარეგულირების საკითხებში მურატ ჯიოევმა განუცხადა.
"სოფელ აძესარის ეკლესიასთან დაკავებულია რვა ადამიანი, რომლებიც ალკოჰოლური და ნარკოტიკული თრობის ქვეშ იმყოფებოდნენ. დაკავებულთა პირად ნივთებში აღმოჩენილია მცენარეული წარმოშობის ნარკოტიკული ნივთიერება" - განაცხადა ჯიოევმა.
სააგენტოს ინფორმაციით, ე.წ. "რესპუბლიკის" შესაბამისი ორგანოების მიერ კანონის ფარგლებში, დაკავებულთა ვინაობის დადგენა მიმდინარეობს.ჯიოევისა განცხადებით, დაკავებულთა ჯანმრთელობის მდგომარეობა დამაკმაყოფილებელია.