ფეხბურთელ გიორგი შაქარაშვილის საქმეზე დაკავებული არასრულწლოვნების ბრალდების სისხლის სამართლის საქმის განხილვა დასკვნით ეტაპზეა.
დღევანდელ სასამართლო პროცესზე, რომელიც მცხეთის რაიონულ სასამართლოში მიმდინარეობს, ბრალდებული ნ.ც.-ს ადვოკატი არჩილ ბერიანიძე წარმოთქვამს დასკვნით სიტყვას, რის შემდეგაც მხარეები რეპლიკებით, ბრალდებულები კი საბოლოო სიტყვით ისარგებლებენ. აღნიშნულის შემდეგ მოსამართლე განაჩენის გამოსატანად სათათბიროდ გავა.
ცნობისთვის, გიორგი შაქარაშვილის საქმეზე 6 არასრულწლოვანია დაკავებული. მათ ჯგუფურ ძალადობას, ძალადობის ორგანიზებას, მასში მონაწილეობასა და თავისუფლების უკანონო აღკვეთას ედავებიან.